पर्यटनका लागि साहित्य भन्ने नारा सहित १८ फागुनमा हुन लागेको ‘इन्द्रसरोवर काव्य उत्सव २०७४’ को उद्घाटन पूर्व प्रधानमन्त्री झलनाथ खनालले उद्घाटन गर्ने भएका छन् ।
मकवानपुरको इन्द्रसरोवर गाउँपालिकाको इन्द्रसरोवर ताल मार्खुमा दुईदिनसम्म हुने ‘इन्द्रसरोवर काव्य उत्सव २०७४’ मा खनाल आउने भएका हुन् । कार्यक्रममा खनालसंगै मकवानपुर–२ का प्रतिनीधिसभा सांसद बिरोध खतिवडा, प्रदेश सांसद कुमारी मोक्तान र मुनु सिग्देलको आतिथ्य रहने आयोजकले जनाएको छ ।
कार्यक्रमको तयारी पूरा भएको इन्द्रसरोवर गाउँपालिकाका अध्यक्ष जिवन लामाले जानकारी दिए । पर्यटकीय स्थलको प्रचारप्रसार गर्ने उद्देश्यले देश कै एकमात्र मानवनिर्मित ताल इन्द्रसरोवर ताल ९कुलेखानी० मा इन्द्रसरोवर गाउँपालिकाको आयोजनामा फाल्गुण १८ र १९ गते काव्य उत्सव हुन लागेको हो । काठमाण्डौसंग जोडिएको क्षेत्र भएपनि सोचेजस्तो पर्यटन प्रवद्र्धन नभएकोले ‘ओझेलमा परेको ठाउँलाई साहित्यको माध्यमबाट प्रचारमा ल्याउन काव्य उत्सव आयोजना गरेको गाउँपालिकाका प्रमुख प्रशासकीय अधिकृत रोशन पुनले जानकारी दिए ।
बलामी, थाहा टाइम्स डटकमका संवाददाता हुन् । उनी मकवानपुरको इन्द्रसरोवर गाउँपालिकामा रहेर पत्रकारिता गरिरहेकी छिन् ।
