नेपाल विद्युत प्राधिकरण पालुङ वितरण केन्द्र कार्यालय परिसरमा सरसफाई कार्यक्रमको आयोजना गरिएको छ । नेपाल विद्युत प्राधिकरण राष्ट्रिय कर्मचारी युनियनको ‘सहज सेवा स्वच्छ नेविप्रा’ अभियान अन्तर्गत पालुङ ईकाई समितिको सकृयतामा सरसफाई कार्यक्रम गरिएको हो ।
नेपाल विद्युत प्राधिकरण राष्ट्रिय कर्मचारी युनियन पालुङ ईकाई समितिको ११ माघमा भएको ११ औं ईकाई अधिवेशनको अवसरमा कार्यालय परिसरमा वृक्षरोपण समेत गरिएको छ । सरसफाई अभियानमा कार्यालयका कर्मचारीहरुको उपस्थिती थियो ।
सरसफाई अभियान प्रत्येक हप्ता नियमित संचालन गरिने नेपाल विद्युत प्राधिकरण राष्ट्रिय कर्मचारी युनियनका पालुङ ईकाई समितिका अध्यक्ष किरण पौडेलले बताए । देशै भर नेपाल विद्युत प्राधिकरणमा अहिले ‘सहज सेवा स्वच्छ नेविप्रा’ अभियान तिब्रता र उत्साहकासाथ कार्यक्रमहरु संचालन भएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
