राप्रपा नेपालले देउवा नेतृत्वको सरकारमा रहेका मन्त्रीलाई फिर्ता बोलाएको छ । शहरी विकास मन्त्री दिलनाथ गिरीलाई फिर्ता बोलाएको राप्रपाले जनाएको छ ।
मन्त्री गिरीलाई फिर्ता बोलाएको जानकारी राप्रपाले १४ पौषमा विज्ञप्ती मार्फत जनाएको हो ।
राप्रपाले सहरी विकासमन्त्री दिलनाथ गिरीलाई बर्खास्त गर्न सिफारिस गरेको छ । राप्रपा अध्यक्ष एवं उपप्रधानमन्त्री कमल थापा आफैंले प्रधानमन्त्री कार्यालयमा पत्र बुझाएका छन् । सम्वन्धित दलले सिफारिस गरेपछि प्रधानमन्त्रीले मन्त्रीलाई बर्खास्त गर्न सक्नेछन् ।
१३ पौषमा मन्त्रिपरिषद् बैठकमा उपप्रधानमन्त्री थापा र मन्त्री गिरीबीच चर्काचर्की भएको थियो । थापाले बेठकमा गिरीको राजीनामा मागेका थिए । तर, उनले आफूले प्रधानमन्त्रीलाई राजीनामा दिने हो भनेका थिए ।
थापाले १४ पौषमा नै पार्टीको बैठक राखेर गिरीलाई हटाउनेबारे छलफल गरेको एक नेताले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
