मकवानपुरको भिमफेदी गाउँपालिकाको सामरी पुल नजिक नेपाली सेनाले ५० वेडको क्वारेन्टाइन निर्माण गर्ने भएको छ । नेपाली सेनाको मध्यपृतना हेडक्वाटरले कोरोना भाइरसको संक्रमणबाट बेलैमा वच्नका लागि क्वारेनटाइन वनाउन लागिएको हो ।
यसको काम तत्काल थालिने भएको छ । हेटौंडाको सामरी पुल भन्दा माथीको सेनाले खेल्दै आएको चौरमा क्वारेन्टाइन निर्माण गर्न लागिएको पुरोनो गोरखगढका गणपति अनिल वुढाथोकीले जानकारी दिए ।
केही दिनमानै सक्नेगरी क्वारेन्टाइन निर्माण गर्न लागिएको उहाँले वताउनुभयो । मकवानपुरको भैसे व्यारेकका सेनाले कोरोनाबाट बेलैमा सावधानी अपनाउनका लागि उच्च सर्तकर्ता समेत अपनाएको छ । यसबाट बेलैमा बच्नका लागि सर्तक रहेको सेनाले जनाएको छ ।
बागमती प्रदेश सरकार र स्थानीय प्रशासनको निर्णय अनुसार हेल्थ डेस्क, विभीन्न स्थानमा गरिने चेकजाँचमा नेपाली सेनाले सहयोग गर्ने गणपति वुढाथोकीले वताए । विश्वव्यापी रुपमा भएको महामारीमा सेनाले यसबाट आमनागरिकलाई सचेत पार्नका लागि लागिपरेको उनले वताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
