बागमती प्रदेश कोरोना भाईरस सङ्क्रमण रोकथाम, नियन्त्रण तथा उपचार कोषमा नेपाल बैंकले ५ लाख रकम सहयोग गरेको छ । बैंकका हेटौंडा शाखा प्रमुख यामनाथ दाहालले बागमती प्रदेशका मुख्यमन्त्री डोरमणी पौडेललाई सहयोग रकमको चेक हस्तान्तरण गरेका हुन।बिश्वव्यापी रुपमा फैलिएको भाईरस नियन्त्रणमा सरकारले गर्न लागेको काममा सहयोग गर्न रकम हस्तान्तरण गरिएको बैंकका शाखा प्रमुख दाहालले बताए।
बैंकले गरेको सहयोग प्रति धन्यवाद दिदै सरकार एक्लैले मात्र चाहेर नहुने भन्दै मुख्यमन्त्री पौडेलले विभिन्न संघ सस्था, व्यक्तिलगायत सबैले सहयोग गर्न जरुरी रहेको बताए । बैङ्किङ क्षेत्र अत्यावश्यक सेवा क्षेत्र रहेकोले आबश्यक्ता अनुसार सुरक्षा अपनाएर सेवा प्रवाह गरीरहन सुझाव दिए।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
