पूर्वसांसद वीर बहादुर लामाको निधनमा शोक व्यक्त गर्दै मकवानपुरको ईन्द्रसरोवर गाउँपालिकाले २६ कात्तिकमा सार्वजनिक विदाको घोषणा गरेको छ । गाउँपालिकाका अध्यक्ष जीवन लामाले एक सूचना जारी गरी ईन्द्रसरोवर गाउँपालिकाको फाखेलका स्थायीवासी लामाको निधनप्रति दुख व्यक्त गर्दै सार्वजनिक बिदा दिने निर्णय गरिएको जानकारी गराएका हुन् ।
तत्कालिन नेकपा एमालेका केन्द्रीय नेता, जिविस मकवानपुरका पूर्वसभापति एवम् पूर्व सांसद लामा मिर्गौलामा समस्या भएपछि उपचाररत लामाको २३ कात्तिक बिहान ललितपुरको पाटन अस्पतालमा निधन भएको थियो ।
२५ कात्तिकमा काठमाडौंको स्वयम्भुमा नेकपाका वरिष्ठ नेता माधव कुमार नेपालको उपस्थितिमा श्रद्धाञ्जली सभाको आयोजना गरिएको थियो । नेकपाका वरिष्ठ नेता नेपालले लामाको पार्थिव शरीरमा पार्टीको झण्डा ओढाएर सम्मान व्यक्त गरे ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
