नेकपा मकवानपुरले १६ पुसमा हेटौंडामा कार्यकर्ता भेला गर्ने भएको छ ।
नेकपाका केन्द्रीय सदस्य एवं बागमती प्रदेशका मुख्यमन्त्री डोरमणि पौडेलको प्रमुख आतिथ्यतामा कार्यक्रम हुन लागेको नेकपा मकवानपुरले जनाएको छ । नेकपा मकवानपुरको मोर्चा संगठनहरुको संयुक्त आयोजनामा बिहीबार हेटौंडामा कार्यकर्ता भेला गर्न लागिएको हो ।
कार्यक्रममा युवासंघका केन्द्रीय सहसंयोजक रमेश पौडेलको सहभागिता रहने जनाएको छ । नेकपा सम्बद्ध युवा संघ, अनेम संघ, अनेरास्ववीयु, खेलकुद महासंघ मजदुर संगठन र किसान संगठनको संयुक्त आब्हानमा भेला आयोजना गरिएको युवा संघ मकवानपुरका अध्यक्ष सन्तोष चौलागाईले जानकारी दिए ।
सबै संगठनका अध्यक्षहरुको सामूहीक बैठकले भेला आयोजना गर्ने निर्णय गरेकोले भेलामा सहभागीताका लागि अनुरोध गरिएको चौलागाईले बताए ।
