थाहा नगरपालिकाको वडा नं. ९ मा जस्तो २०७४ को स्थानीय निर्वाचनमा भएको थियो, यसपटक पनि झण्डै त्यही भएको छ । उक्त वडामा खसेका मतहरुको अन्तिम गणना गर्दा वडा अध्यक्षमा नेकपा माओवादी केन्द्रका राजकुमार बलामी निर्वाचित भएका छन् । यसपटक थाहा ९ मा माओवादीले वडा अध्यक्षसहित एक महिला सदस्य जितेको छ ।
वडा अध्यक्ष निर्वाचित बलामीले ७७८ मत ल्याएका छन् । उनका निकटतम प्रतिद्वन्द्वी नेकपा एमालेका रामकृष्ण बस्नेतले ६५६ मत प्राप्त गरे । थाहा–९ मा काँग्रेस तेस्रो भयो । प्राप्त विवरण अनुसार काँग्रेसका वडा अध्यक्ष उमेदवार देवकुमार श्रेष्ठले ४९४ मत प्राप्त गरेका छन् ।
थाहा ९ मा वडा सदस्यहरुमा नेकपा एमालेका रमेश बलामी, रामकृष्ण कपाली र सानुमैया विश्वकर्मा निर्वाचित भएका छन् । बलामीले ७०६, कपालीले ६२७ र विश्वकर्माले ७१७ मत प्राप्त गरेका छन् ।
माओवादीबाट महिला सदस्य पदमा अञ्जु श्रेष्ठ निर्वाचित भएकी छिन् । उनको मत ७३४ रहेको छ ।
हेर्नुहोस् थाहा ९ मा कसले कति मत पाए ?
वडा अध्यक्ष
खुल्ला सदस्य
महिला सदस्य
दलित महिला सदस्य
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
