स्थानीय तह निर्वाचन अन्तर्गत् थाहा नगरपालिका वडा नम्बर २ को मतगणना जारी छ । अहिलेसम्म ३०० मत गन्दा एमालेले अग्रता लिएको छ ।
निर्वाचन अधिकृतको कार्यालय थाहानगरले दिएको जानकारी अनुसार वडा नम्बर २ मा ३०० मत गन्दा मेयरमा नेकपा एमालेका अच्युत्तमप्रसाद ढकालले १६२ मत पाएका छन् भने नेकपा माओवादी केन्द्रका विष्णुबहादुर विष्टले ८२ मत पाएका छन् । त्यस्तै, राप्रपाको ४ र मङ्गोल नेशनल अर्गनाइजेशनको ३ मत प्राप्त भएको छ ।
उपमेयरमा नेपाली काङ्ग्रेसका भरत गोपालीले १३० मत ल्याउँदा नेकपा एमालेकी कल्पना बलामीले ११२ मत प्राप्त गरेकी छन् । राप्रपाको ४ मत रहेको छ ।
वडाध्यक्षमा एमालेको अग्रता छ । नेकपा एमालेका वडा अध्यक्ष उमेदवार गुप्तबहादुर कार्कीले १०७ मत ल्याएका छन् भने अहिलेसम्म नेकपा माओवादी केन्द्रका बमबहादुर सिन्तानको ८७ र नेपाली काँग्रेसका नवराज लामाको ८४ मत रहेको छ । त्यस्तै राप्रपाको २ र मङ्गोल नेशनल अर्गनाइजेशनको १ मत रहेको छ । ३०० मत गन्दा वडा अध्यक्षमा नेकपा एसले खाता खोल्न सकेको छैन ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
