स्थानीय तह निर्वाचन–२०७९ अन्तर्गत् थाहा नगरपालिकाको वडा नम्बर १ मा नेकपा माओवादी केन्द्रले अग्रता लिएको छ । पछिल्लोपटक १५०० मत गन्दा माओवादीका वडाध्यक्ष उमेदवार हेरमान गोपालीले एमालेभन्दा ४ मतले अग्रता लिएका हुन् ।
पछिल्लो परिणाम अनुसार थाहाको वडा नम्बर १ मा खसेको कूल २१०७ मतमध्ये १५०० मत गन्दा नेकपा एमालेका वडा अध्यक्षका उमेदवार प्रदिप प्रधानले ५४० मत प्राप्त गरेका छन् भने उनलाई ४ मतले उछिनेर नेकपा माओवादी केन्द्रका वडा अध्यक्ष उमेदवार गोपालीले ५४४ मत प्राप्त गरेका छन् ।
१५०० मत गन्दा गठबन्धनको तर्फबाट माओवादीका मेयर पदका उमेदवार विष्णु विष्टले ७९४ मत प्राप्त गरेका छन् भने उपमेयरमा नेपाली काँग्रेसका भरत गोपालीले ७१८ मत प्राप्त गरेका छन् । नेकपा एमालेका मेयरका उमेदवार अच्युत्तमप्रसाद ढकालले ५०९ मत प्राप्त गर्दा उपमेयरकी उमेदवार कल्पना बलामीले ५३८ मत प्राप्त गरेकी छन् ।
थाहा–३ स्थित पालुङ बहुमुखी क्याम्पसमा मतगणना भइरहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
