एशियन लाईफ इन्स्योरेन्स कम्पनी लिमिटेडले शुक्रबार थाहामा जीवन बीमा अभिकर्ता आधारभुत तालिम सञ्चालन गरेको छ । एशियन लाइफ उपशाखा पालुङ र जिल्ला शाखा मकवानपुरको आयोजनामा तालिम भएको हो ।
तालिममा बीमा के हो ?, बीमाको महत्व, बीमा गर्ने तरिका लगाएत बीमा सम्बन्धि सामान्य जानकारी गराइएको थियो । साथै नेपालमा एशियनको स्थापना, हाल सञ्चालन भइरहेको योजना, पूजीगत संरचना, बीमा लेखा बोनस लगायतको बारेमा सहजिकरण गरिएको थियो । हेटौँडा शाखाका शाखा प्रबन्धक सञ्जय रेग्मीले सहजीकरण गरेको कार्यक्रममा २८ जना नया तथा कार्यरत अभिकर्ताहरुको सहभागिता रहेको थियो ।
नेपालको उत्कृष्ट पेशा नै बीमा अभिकर्ताको पेशा भएको बताउदै सहजकर्ता रेग्मीले बीमाबाट बिमितले आफ्नो उद्देश्यलाई चुम्न सकिने बताए । बि.स. २०६४ सालमा स्थापना भएको उक्त बीम कम्पनीले हाल उत्कृष्ट सेवा प्रदान गर्दै बीमितहरुको जोखिम न्युनिकरण गरिरहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
