कृषि विकास बैंक पालुङ शाखाका प्रबन्धक बिनोद रेग्मी सेवा निवृत्त भएका छन् । बैङकिङ क्षेत्रमा लामो समयसम्म योगदान दिएका रेग्मी यस क्षेत्रका अनुभवी व्यक्तित्व हुन् ।
पालुङ शाखाको प्रबन्धकमा प्रकाश ढुङ्गाना हेटौंडाबाट सरुवा भई आएका छन् । १८ फागुनमा एक कार्यक्रमका बीच सेवा निवृत्त भएका रेग्मीको विदाई तथा नयाँ प्रबन्धकका रुपमा आएका ढुङ्गानालाई स्वागत गरिएको छ ।
बैंकको कार्यालय शिखरकोटमा कार्यक्रमको आयोजना गरि विदाई र स्वागत गरिएको बैंककी कर्मचारी निशा थापामगरले जानकारी दिइन् । विदाइ तथा स्वागत कार्यक्रममा यस शाखामा रही लामो समय कार्य सम्पादन गरेका रेग्मीको योगदानको प्रशंसा गरिएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
