मकवानपुरको हेटौंडामा लागुऔषध गाँजासहित तीन जनालाई पक्राउ गरिएको छ । बिशेष सूचनाको आधारमा जिल्ला प्रहरी कार्यालय मकवानपुरबाट खटिएको टोलीले बिहीबार बिहान ३ बजे हेटौंडा उपमहानगरपालिका वडा नं. ११ थानाभर्याङबाट लागुऔषध गाँजासहित तीन जनालाई पक्राउ गरिएको हो ।
मनहरीबाट हेटौडातर्फ आउँदै गरेको ना.१ ख ९९१० नम्बरको कन्टेनरलाई रोकी चेकजाँच गर्दा १ सय ४३ किलो ३०० ग्रामसहित तीन जनालाई पक्राउ गरिएको जिल्ला प्रहरी कार्यालय मकवानपुरका प्रवक्ता जयश्यवर रिमालले जानकारी दिए ।
पक्राउ पर्नेमा सिन्धुपाल्चोक बार्हबिसे नगरपालिका वडा नं.५ सिगार्से बस्ने बर्ष २८ को सनक बहादुर तामाङ, सह–चालक बार्हबिसे नगरपालिका वडा नं. ८ मानेश्वरा बस्ने बस्ने बर्ष २४ को सोमे तामाङ र सोही गाडिमा सवार राक्सिराङ गाउँपालिका वडा नंं. १ गल्छराङ बस्ने बर्ष १८ को सविन तामाङ रहेको प्रवक्ता रिमालले बताए । लागुऔषध गाँजा र कन्टेनर गाडी सहित नियन्त्रणमा लिई थप अनुसन्धान भईरहेको उनले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
