२२ भदौमा थाहानगरको जेसीज हलमा आयोजना हुने एक दिवसीय शेयरसम्बन्धी तालिमको बुकिङ जारी रहेको छ । तालिम महत्वपूर्ण हुनुका साथै सहभागीहरुका लागि शेयर बजारमा प्रवेशका लागि अभिमुखीकरणको अवसर पनि भएकोले बुकिङको आधारमा मात्र सहभागी गराउने आयोजक लियो क्लब अफ पिसले जनाएको छ ।
तालिम कार्यक्रमको एक दिन मात्र बाँकी हुँदा करिब ७० जनाले आफ्नो सिट सुरक्षित गरेको आयोजक संस्थाका सचिव अजय कार्कीले जानकारी दिए । तालिमको अन्य तयारी पूरा भएको उनले जानकारी दिए ।
नेपाली सेयर बजारका विज्ञ सुबासचन्द्र भट्टराईले तालिममा सहजीकरण गर्ने आयोजकले जनाएको छ । भट्टराईलाई नेपाली शेयर जगतमा शेयर गुरुको रुपमा चिनिन्छ ।
लामो समयदेखि नेपाली सेयर बजारमा सक्रिय भट्टराईको अनुभव नयाँ लगानीकर्ता र सेयर बजारको बिषयमा चासो राख्नेहरुका लागि उत्प्रेरणा हुने भएकोले तालिमको आयोजना गरिएको क्लवका सचिव कार्कीले बताए ।
सेयर बजार सम्बन्धी एक दिने उक्त तालिममा सेयर बजारको सैद्धान्तिक ज्ञान, व्यवहारिक तालिम, जोखिम व्यवस्थापन, मूल्याङ्कन र विश्लेषण, मानसिकता र अनुशासन, समसामयिक बजारको जानकारी गराइनेछ भने अन्तिममा प्रश्नोत्तर र परामर्श गरिनुका साथै प्रमाणपत्र समेत वितरण गरिनेछ ।
तालिममा सहभागी हुनका लागि ९८६११०१०८५१ र ९८१२२४४६५८ मा सम्पर्क गर्न सकिने आयोजकले जनाएको छ ।
