मकवानपुर थाहा नगरपालिकाले बजार अनुगमन गरेको छ । संयुक्त बजार अनुगमन समितिको सक्रियतामा थाहा नगरपालिका वडा नम्बर ९ र १० चित्लाङ क्षेत्रका पसलहरुको ३ फागुनमा अनुगमन गरेको समितिका संयोजक अजित घिमिरेले जानकारी दिए ।
थाहा नगरपालिकाको बजार अनुगमन सम्बन्धी कार्यविधि बमोजिम गरिएको बजार अनुगमनका क्रममा अधिकांश पसलहरुबाट मिति गुज्रिएको उपभोग्य बस्तुहरु बिक्री भैरहेको, खाद्य र अखाद्य बस्तु एकै ठाउँमा राखेर बिक्रि गरिरहेको, मूल्यसूची नराखिएको तथा दर्ता तथा नविकरण नगरी व्यवशायहरु संचालन गरिरहेको पाइएको नगरपालिकाका प्रशासन महाशाखा प्रमुख तथा अनुगमन समिति संयोजक घिमिरेले जानकारी दिए ।
एकीकृत अनुगमन टोलमिा थाहा नगरपालिकाका कर्मचारीहरु, राष्ट्रिय उपभोक्ता मञ्च, उपभोक्ता हित संरक्षण मञ्च, थाहानगर उद्योग वाणिज्य संघका पदाअधिकारी नेपाल प्रहरी प्रतिनीधिलगायतकाको सहभागिता रहेको थियो । अनुगमन टोलीले मिति गुज्रिएको केही उपभोग्य सामाग्र्रीहरु समेत बरामद गरेको छ भने व्यवशायिहरुलाई सचेत पारिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
