मकवानपुरको थाहा नगरपालिका–७, बसेरीस्थित भित्री सडक खण्डमा हिजो राति ट्याक्टर दुर्घटना हुँदा चालक रोशन खत्रीको मृत्यु भएको छ । धादिङको धार्केबाट बसेरीतर्फ आउँदै गर्दा ना ५ त ६५६२ नम्बरको ट्याक्टर अनियन्त्रित भई दुर्घटना भएको हो ।
ट्याक्टर सडकबाट करिब १० मिटर तल खसेको थियो ।
दुर्घटनामा ट्याक्टर चालक मकवानपुरको थाहा नगरपालिका–७, बस्ने बर्ष २२ वर्षीय खत्रीको घटनास्थलमै मृत्यु भएको प्रहरी नायव उपरीक्षक नरेश कुमार सिंहले जानकारी दिए ।
