थानकोटबाट चित्लाङ आउँदै गरेको भ्यान दुर्घटना भएको छ।
शुक्रबार मध्यान्ह थानकोट-चित्लाङ सडकअन्तर्गत सेतो पहरा नजिकबाट भ्यान भीरबाट खस्दा मानवीय क्षति समेत भएको प्रत्यक्षदर्शीले बताएका छन् । भ्यान भीरबाट खसेर सडकमा नै आइपुगेको छ।
गाडीमा पाँच जना सवार रहेको बताइएको छ।
घटनास्थलमा थानकोट वृत्तका प्रमुख डिएसपी नारायण प्रसाद अधिकारीसहितको टोलीले उद्दार गरिरहेको छ । उद्दार कार्यका लागि स्थानीयहरू सहित नेपाली सेनाको टोली समेत परिचालित छ ।
दुर्घटनास्थलमा उद्दार कार्य जारी रहेकोले थप विवरण प्राप्त हुन बाँकी रहेको प्रहरीले जनाएको छ।
अपडेट
प्राप्त पछिल्लो विवरण अनुसार दुर्घटनामा २ जनाको ज्यान गएको पुष्टी भएको छ।
प्रहरीका अनुसार बा १० च ३५४६ नम्बरको भ्यान दुर्घटना हुँदा भ्यानका चालक सिन्धुली घर भएका २० वर्षीय नवराज थोकर तामाङ भ्यानमा सवार ४५ वर्षीय अनिल तामाङको मृत्यु भएको हो ।
सो भ्यानमा कपडा बेच्ने समुहका सदस्यहरू रहेको खुलेको छ ।
श्राेत : थानकाेट टाइम्स
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
