दाङमा एम्बुलेन्सको ठक्करबाट मंगलबार एकजनाको मृत्यु भएको छ । एम्बुलेन्सले स्कुटरलाई ठक्कर दिँदा स्कुटरचालक तुलसीपुर उपमहानगरपालिका–८, दुधेना निवासी ६८ वर्षीय टोपेन्द्र पोखरेलको मृत्यु भएको जिल्ला प्रहरी कार्यालय दाङले जनाएको छ ।
तुलसीपुरबाट घोराहीतर्फ जाँदै गरेको रा१झ १०२ नम्बरको एम्बुलेन्सले रा४प १५६६ नम्बरको स्कुटरलाई ठक्कर दिँदा उनको मृत्यु भएको हो । घोराही उपमहानगरपालिका–१०, नारायणपुरमा भएको दुर्घटनामा परी गम्भीर घाइते भएका पोखरेलको राप्ती स्वास्थ्य विज्ञान प्रतिष्ठानमा उपचारको क्रममा मृत्यु भएको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
