फागुन २३ गते आईतबारबाट जेष्ठ नागरिकलाई खोप लगाउन सुरु भएकोमा पछिल्लो २४ घण्टामा जिल्लामा १२ सय ५४ जनाले खोप लगाएको जनस्वास्थ्य कार्यलयले जनाएको छ ।
हाल ६५ वर्षभन्दा माथिका ज्येष्ठ नागरिकलाई कोरोना विरुद्धको खोप लगाउने कार्यक्रम भईरहेको छ ।यसअघि माघ १४ गतेदेखि पहिलो चरणमा अग्रपंतिमा रहेका स्वास्थ्यकर्मी, सुरक्षाकर्मी, सार्वजनिक संस्था कर्मचारी, पत्रकारलगायतलाई खोप दिइएको थियो ।
नेपालमा अक्स्फोर्ड–एस्ट्राजेनेकाले विकास गरेको र भारतको सिरम इन्स्टिच्यूटले उत्पादन गरेको कोभिसिल्ड खोप प्रयोग भइरहेको छ ।
मकवानपुरमा हालसमम ३ हजार ८ सय ९० जनालाई कोरोना पुष्टि भएकोमा हालसम्म ३ हजार ८ सय ५४ जना संक्रमण मुक्त भईसकेका छन् । मकवानपुरको हेटौंडामा आजको दिनमा ४ जना संक्रमित होम आइसोलेसनमा उपचाररत रहेका छन् । मकवानपुरमा हालसम्म कारोनाको कारण ३२ जनाको ज्यान गएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
