थाहा नगरमा राष्ट्रिय युवा संघ नगरस्तरीय सम्मेलनमा जुटेको छ । नगरका वडा तथा टोलहरुमा समेत युवा भेला तथा कमिटी निर्माण गरेर युवा संघ नगर सम्मेलनमा जुटेको हो । यही १३ असोजमा जेसीज सभाहलमा नगर सम्मेलन आयोजना हुने र त्यसको तयारी अन्तिम चरणमा पुगेको युवा संघका नगर संयोजक प्रदिप भट्टले जानकारी दिए ।
सम्मेलनमा करिब तीन सय युवाहरुको सहभागिता रहने भट्टले जानकारी दिए । सम्मेलनलाई नेकपा एमालेका केन्द्रीय नेता तथा युवा संघ इन्चार्ज महोश बस्नेतले सम्बोधन गर्ने कार्यक्रम तय भएको युवा संघले जनाएको छ । कार्यक्रममा नेकपा एमाले जिल्ला कमिटी, थाहानगर कमिटी, महिला संघका सदस्यहरु लगायतको समेत आतिथ्यता रहनेछ ।
युवा सम्मेलनबाट नगर युवा संघको कमिटीसमेत घोषणा हुनेछ । कमिटीमा अध्यक्ष, उपाध्यक्ष, सचिब लगायत पदाधिकारीसहित सदस्यहरु रहनेछन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
