नेकपा माओबादी केन्द्र थाहा नगर कमिटीले थाहा नगरपालिकालाई विभिन्न १० शिर्षकमा सुझावहरु पेश गरेकाे छ । आगामी आर्थिक वर्ष २०७८/०७८का लागि नीति तथा कार्यक्रममा समावेश गर्न नगरपालिकाले सुझाव मागेपछि साे पार्टीले लिखित सुझाव दिएकाे हाे ।
३ असारमा नगरकार्यपालिका पुगेर माओबादी केन्द्रका नगर अध्यक्ष अरुण रायमाझीले नगरप्रमुख लवशेर बिष्टलाई सुझाव बुझाएका हुन् । सुझावमा ४८ वटा बुँदा समेटिएका छन् ।
कृषि, पर्यटन, शिक्षा, खानेपानी तथा सरसफाई, आर्थिक समृद्धि, पूर्वाधार विकास, प्राकृतिक प्रकोप, सामाजिक सुरक्षा, सूचना/ प्रबिधि, अनुसन्धान र कला, साहित्य संस्कृतिका विषयमा विभिन्न सुझाव दिइएको अध्यक्ष रायमाझीले बताए ।
अध्यक्ष रायमाझीले व्यवसायिक रुपमा खेती गर्ने कृषकलाई प्रोत्साहन गर्नुपर्ने, पर्यटन गुरुयोजना तयार गरी पर्यटनको विकास गर्नुपर्ने, एक बिद्यालय एक उद्यमको अवधारण ल्याउनुपर्ने जस्ता सुझाव दिएका बताए । त्यसैगरी थाहा नगरमा रहेका प्राकृतिक स्रोतमा आधारित उद्योग ब्यवसायलाई प्रवर्धन गर्न र सडक लगायतका पूर्वाधारहरु निश्चित मापदण्ड तयार गरी ब्यवस्थित गर्न सुझाव दिइएको उनले जानकारी दिए ।
दिगाे प्राकृतिक प्रकोप कोष खडा गरी जाेखिम ब्यवस्थापन नीति बाउन सुझाव दिनुका साथै खानेपानी बोर्ड गठन गरी ब्यवस्थित खानेपानीको ब्यवस्थापन गर्न सुझाव दिएकाे माओवादी केन्द्रले दिएकाे छ । फोहरलाई स्रोतमै ब्यवस्थापन गरी नगरको सरसफाई गतिविधि प्रभावकारी बनाउन साे पार्टीको सुझाव छ ।
नेकपा माओवादी केन्द्रले थाहालाई समाजमा रहेको कुप्रथाको बिरुद्ध स्पष्ट नीति बनाई अगाडि बढ्न सुझाव दिएकोछ । दुर्व्यसन तथा वालश्रमको न्यूनीकरणका लागि कार्यक्रम तयार गर्न पनि सुझाव दिइएको छ ।
कला, संस्कृति र साहित्यको विकासको लागि बजेटको ब्यवस्था गर्न समेत सुझाव दिइएको अध्यक्ष रायमाझीले बताए । कोरोना भाईरस नियन्त्रण लक्षित कार्यक्रम बनाई सबै स्वास्थ्य केन्द्रहरुलाई व्यवस्थित गर्न सुझाव दिइएकाे उनकाे भनाइ छ । उनका अनुसार सवै वडामा ईन्टरनेटको पहँच पुर्याउनुपर्नेमा जाेड दिइएको छ ।
सुझावपत्र ग्रहण गर्दै नगर प्रमुख विष्टले सबैतिरबाट प्राप्त सुझाबहरुका आधारमा आगामी बर्षको नीति तथा कार्यक्रमको तय गर्ने बताए । नगरको आगामी बर्षको नीति तथा कार्यक्रम १० असारमा प्रस्तुत हुँदैछ ।
यसअघि नेकपा एमाले र समाजवादी पार्टी नेपालले नगरलाई सुझाव पत्र बुझाईसकेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
