मकवानपुर थाहा नगरपालिकाको जनकल्यण माविकी छात्रा ईश्वरी कार्की राष्ट्रियस्तरको वतृत्वकला प्रतियोगितामा दोस्रो भएकी छिन् । शैशव मञ्च नेपालले संचालन गरेको प्रतियोगितामा उत्कृष्ट कला प्रदर्शन गर्दै देशभरिबाट थाहा नगरकी कार्की द्वितीय भएकी शिक्षक मनाेज रायमाझीले जानकारी दिए । जनकल्याणमा कृषि संकाय कक्षा ९ मा अध्ययनरत छात्रा कार्कीलाई विद्यालयले बधाई तथा शुभकामना व्यक्त गरेको छ ।
विद्यालयले आगामी दिनहरुमा यसै गरी सर्व क्षेत्रमा वर्चस्व राख्न विद्यार्थी, शिक्षक वर्ग एवं सेवाक्षेत्रका अभिभावकहरुको समेत उत्कृष्टताको लागि आ आफ्नो निरुपित अधिकार र कर्तव्यमा समर्पित हुन समेत आग्रह तथा अनुरोध गरेको छ ।
प्रतियोगितामा झापाकी प्रतिक्षा कार्की प्रथम भएकी छन् भने रुकुम पश्चिमका अनिल रोकाय तृतीय भए । प्रतियोगितामा उत्कृष्ट भएकाहरुलाई शैशव मञ्च नेपालले त्रधाई दिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
