लोकसेवा आयोगले विज्ञापन प्रकाशन गर्दै कोशी, मधेश, बागमती, गण्डकी, लुम्बिनी, कर्णाली र सुदूरपश्चिम प्रदेशमा कर्मचारी माग गरेको छ।
आयोगले बुधबार जारी गरेको सूचनाअनुसार अप्राविधक तहमा खरिदार वा सो सरह पदको लागि न्याय, सरकारी वकिल, सामान्य प्रशासन, लेखा लगायतका समूहमा ३५३ जना कर्मचारी माग गरेको हो।
उमेर हद पुरुषको हकमा १८ वर्ष पूरा भई ३५ वर्ष ननाघेको, महिलाको ४० वर्ष ननाघेको हुनुपर्नेछ।
परीक्षा दस्तुर पाँच सय रूपैयाँ तोकिएको छ। समावेशी समूहतर्फ थप विज्ञापनमा एक सय ५० रूपैयाँ लाग्नेछ।
योग्यता पुगेका इच्छुक नेपाली नागरिकले चैत १७ गतेसम्म आवेदन सक्नेछन्। दोब्बर दस्तुर तिरेर चैत २४ गतेसम्म आवेदन दिन सकिनेछ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
