Tuesday, 22nd September, 2020
वि.स.

लागूऔषध चरेशसहित थाहानगरका ३ जना पक्राउ

मकवानपुर प्रहरीले लागूऔषध चरेशसहित ३ जनालाइ पक्राउ गरेकाे छ । प्रहरीले थाहा नगरपालिका–९, चित्लाङमा लागूऔषध चरेशसहित तीनजना र एउटा अटोलाई नियन्त्रणमा लिएकाे हाे ।

१८ साउन बिहान साढे ६ बजेको समयमा थाहा नगरपालिकाको चित्लाङबाट काठमाडौंको चन्द्रागिरी नगरपालिकातर्फ जाँदै गरेको प्र. नं. ३–०३–००१ ह ०२५९ नम्बरको अटोबाट मकवानपुर प्रहरीले चरेश बरामद गरेको जनाएको छ । प्रहरीले लागूऔषध चरेशसहित अटोमा सवार थाहा नगरपालिका–७ महादेवखर्कका ३० वर्षीय शुभराज घलान, छापटोलका ३३ वर्षीय नारायण सिं मुक्तान र फेदीगाउँ देउरालीका ४७ वर्षीय अटोचालक कृष्ण बहादुर गुरुङलाई नियन्त्रणमा लिएको जनाएको छ ।

चित्लाङमा पक्राउ परेको अटो । फोटोः विराजन जंग बस्नेत अटोको सिट मुनी लुकाई राखेको अवस्थामा १२ केजी ९३२ ग्राम चरेशसहित उनिहरूलाइ नियन्त्रणमा लिइएकाे जिल्ला प्रहरी कार्यालय मकवानपुरका प्रवक्ता ईन्द्रबहादुर रानाले जानकारी दिए । उनिहरूलाइ लागूऔषध नियन्त्रण ऐन, २०३३ बमोजिम २ वर्षदेखि १० वर्षसम्म कैद र १५ हजार देखि १ लाख रुपैयाँसम्म जरिवाना हुने बताइएकाे छ ।

https://thahatimes.com/public/images/users/Thaaaaaaaaaaa-1575425238.png

थाहा टाइम्स

[email protected]

यो नेपाली भाषाको अनलाइन समाचार संस्था हो । हामी तपाईहरु माझ देशविदेशका समाचार, भिडियो, अडियो र विचार प्रकाशन गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)