थाहा नगरपालिकाको विकास घरमा १ सय ११ औं अन्तराष्ट्रिय महिला दिवसको अवसरका अन्तरक्रिया कार्यक्रम भएको छ । थाहा नगरपालिका महिला, बालबालिका तथा अपांग परिचयपत्र वितरण शाखाको आयोजनामा भएको अन्तरक्रिया कार्यक्रमको प्रमुख अतिथि नगर उपप्रमुख खड्ग गोपाली रहेका थिए ।
कार्यक्रममा सहभागीहरुले महिलाहरुको हक अधिकार र थाहानगरमा हालको अवस्थाको विषयमा चर्चा गरेका थिए । सामाजिक विकास समितिका उपसंयोजक विष्णु बहादुर गुरुङको सभाध्यक्षतामा भएको कार्यक्रममा कार्यपाmिलका सदस्य कविता कार्की, ५ नम्बर वडा सदस्य चमेली वाइबा, सहकारीकर्मी सुमित्रा बिडारीलगायतले मन्तव्य व्यक्त गरेका थिए ।
यसैबीच दिवसको अवसरमा कानुनी अभिमुखीकरण कार्यक्रम भएको छ । कानुनी सहजकर्ता जगनाथ सुवेदीले सहजीकरण गरेको अभिमुखीकरणमा ७५ जना महिलाहरुको सभागिता रहेको थियो । कार्यक्रममा वडाबाट निर्वाचित महिला सदस्यहरु, सामुदायिक विद्यालयका प्रधानाध्यापकहरु, महिला सहकारीका प्रतिनिधि एवं सहकारी सदस्यहरु, अपाङ्ग महिलाहरु लगायतको सहभागिता रहेको शाखा प्रमुख प्रतिमा मोक्तानले जानकारी दिइन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
