मकवानपुर थाहा नगरपालिकाको बज्रबाराहीमा भएको रक्तदान कार्यक्रममा १ सय १० जनाले रक्तदान गरेका छन् ।
बज्रवाराहीमा क्रियाशील प्यासिफिक बचत तथा ऋण सहकारी संस्थाको आयोजना तथा नेपाल रेडक्रस सोसाइटी केन्द्रिय रक्त संचार सेवाको प्राविधिक सहयोगमा कार्यक्रम भएको हो । कार्यक्रम थाहा नगरपालिका वडा नम्बर ६ का वडा अध्यक्ष शशीधर सुवेदीको प्रमुख आतिथ्यतामा भएको थियो । कार्यक्रममा प्रमुख अतिथी सुवेदी, नेपाल रेक्रस सोसाइटीका केन्द्रीय निर्देशक धर्मदत्त विडारीलगायतले मन्तव्य व्यक्त गरेका थिए ।
नेपाल रेडक्रस सोसाइटी बज्रवाराही उपशाखा, रोटरी क्लब अफ वेस्ट काठमाण्डौ, बज्रवाराही पुर्व विद्यार्थी संगठन तथा बज्रवाराही हार्डवयरको सहकार्यमा भएको रक्तदान कार्यक्रम सहकारीका अध्यक्ष राजेन्द्र विडारीको सभाध्यक्षतामा सम्पन्न भएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
