दोलखाको कालिञ्चोक गाउँपालिका–६ मा हिमाल थामीले शनिवार बिहान पत्नीको हत्या गरेका छन् ।
बिहान साढे २ बजे घरायसी विवादमा २८ बर्षिय हिमालले २२ बर्षिया सुनिताको हत्या गरेका हुन् । पत्नीको हत्या गरेर भागेका हिमाललाई प्रहरीले पक्राउ गरेको छ ।
हत्याको सूचना पाएको सवा २ घण्टामा आरोपीलाई पक्राउ गरिएको जिल्ला प्रहरी कार्यालय दोलखाका डिएसपी भेषराज रिजालले रातोपाटीलाई बताए ।
कालिञ्चोक–६ खारेबेसी घर भएका हिमाललाई सोही गाउँपालिकाको वडा नम्बर–७ मा पर्ने इसाईगोलाबाट प्रहरीले पक्राउ गरेको हो । हिमालले खुकुरी प्रहार गरेर सुनिताको विभत्स तरिकाले हत्या गरेको प्रहरीले जनाएको छ ।
सुनिताको शव पोष्टमार्टमका लागी जिल्ला अस्पताल दोलखा पठाईएको छ । हत्याबारे अनुसन्धान शुरु गरिएको डिएसपी रिजालले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
