नेपालमा ४१ हजार क्षयरोगका बिरामी उपचार पहुँच बाहिर रहेको तथ्य सार्वजनिक भएको छ । क्षयरोग कार्यक्रमको उपचार प्रक्रियामा ४१ हजार बिरामी नआएकाले चुनौती थपिएको राष्ट्रिय क्षयरोग केन्द्रका निर्देशक डा. अनुज भट्टचनले बताए ।
अन्तर्राष्ट्रिय क्षयरोग दिवसका अवसरमा काठमाडौंमा आयोजित पत्रकार सम्मेलनमा नेपालमा वार्षिक रुपमा ६९ हजार क्षयरोगका नयाँ बिरामी थपिने उनले बताए । निजी स्वास्थ्य संस्थाबाट उपचार गराइरहेका क्षयरोगीलाई स्वास्थ्य व्यवस्थापन सूचना प्रणालीभित्र ल्याउने प्रयास क्षयरोग केन्द्रले गरिरहेको उनले सुनाए ।
आर्थिक वर्ष ०७६/०७७ मा १ लाख जनसख्या बराबर ९३ जनामा क्षयरोग देखिएको थियो । नेपालमा २४ मार्चको दिन ‘संकेतको समयको, क्षयरोगको अन्त्य’ भन्ने नाराका साथ क्षयरोग दिवस मनाइँदैछ । यस्तै क्षयरोग केन्द्रका योजना, मूल्यांकन, अनुगमन तथा अनुसन्धान प्रमुख मुक्ति खनालले नेपालमा २५ प्रतिशत क्षयरोगीको मृत्यु हुने गरेको जानकारी दिए । कोरोना महामारी तीव्ररूपमा फैलँदा ७ जना क्षयरोगीको मृत्यु भएको उनले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
