DO-1618544727.jpg
Saturday, 17th April, 2021
वि.स.

थाहा नगरपालिकाले समुदाय स्तरमा कोभिड–१९ विरुद्धको खोप सञ्चालन गर्ने

Thaha-1614839744.jpg

मकवानपुरको थाहा नगरपालिकाले समुदाय स्तरमै कोभिड–१९ विरुद्धको खोप सञ्चालन गर्ने भएको छ । नगरको ५५ वर्षमाथिका नागरिकहरुलाई प्राथमिक स्वास्थ्य केन्द्रमा बोलाएर खोप लगाउँदा भौगोलिक हिसाबले टाढा पर्ने भएपछि नगरपालिका समुदायस्तरमै खोप संचालन गर्ने निर्णयमा पुगेको हो । 

थाहा नगरपालिकाका प्रमुख एवम् नगरस्तरीय खोप समन्वय समितिका अध्यक्ष लवशेर विष्टले आगामी फागुन २३ गतेदेखि २८ गतेसम्म नगरका विभिन्न स्वास्थ्य चौकीहरुबाट कोभिड–१९ बिरुद्धको खोप सेवा प्रदान गरिने बताए । उनका अनुसार प्राथमिक स्वास्थ्य केन्द्र पालुङ, आग्रा स्वास्थ्य चौकी, टिस्टुङ स्वास्थ्य चौकी, बज्रवाराही स्वास्थ्य चौकी र चित्लाङ स्वास्थ्य चौकीमा डाक्टरसहितको टोलीले खोप सेवा प्रदान गर्नेछ । 

नगर कार्यपालिकामा बसेको थाहा नगरस्तरीय खोप समन्वय समितिको बैठकले समुदाय स्तरमै पुगेर खोप सेवा प्रदान गर्दा ज्येष्ठ नागरिकहरुलाई सहज हुने भन्दै यस्तो निर्णय गरिएको स्वास्थ्य शाखा प्रमुख मेघराज बलामीले बताए । खोपका लागि आवश्यक तयारी पूरा भइसकेको र स्वास्थ्यकर्मीहरुले आवश्यक तालिम पनि लिइसकेको उनले जानकारी दिए ।

आगामी फागुन २३ गतेदेखि एक हप्ता समुदाय स्तरमा ५५ बर्ष उमेर माथिका नागरिकहरूलाई लक्षित गरी खोप कार्यक्रम संचालन गरिने नगरपालिकाको स्वास्थ्य शाखाले जनाएको छ । 

 

https://thahatimes.com/public/images/users/Thaaaaaaaaaaa-1575425238.png

थाहा टाइम्स

thahatimes.com@gmail.com

यो नेपाली भाषाको अनलाइन समाचार संस्था हो । हामी तपाईहरु माझ देशविदेशका समाचार, भिडियो, अडियो र विचार प्रकाशन गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)