मकवानपुरको थाहा नगरपालिकामा कोरोना भाइरसको सङ्क्रमण नियन्त्रणमा सहयोग पुगोस् भन्ने उद्धेश्यले एक युवाले आफ्नो पहलमा स्वास्थ्य सामाग्री हस्तान्तरण गरेका छन् ।
थाहा नगरपालिका वडा नम्बर ३ घर भई हाल काठमाडौँ बस्दै आएका सन्जित कार्कीले आफ्नो दिवङ्गत माता सुन्तली कार्कीको स्मरण गर्दै नगरपालिकालाई स्वास्थ्य सामाग्री हस्तान्तरण गरेका हुन् ।
कार्कीले नगरपालिकाका प्रमुख लवशेर विष्टलाई १९ थान अक्सिमिटर, २० लिटर सेनिटाइजर र छ प्याकेट मास्क हस्तान्तरण गरेकोे थाहा नगरपालिकाका सूचना अधिकारी सुरजकुमार भुजेलले जानकारी दिए ।
थाहा नगरपालिकामा कोरोनाको दोस्रो लहरबाट झण्डै पाँच सय व्यक्तिमा कोरोना सङ्क्रमण पुष्टि भइसकेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
