Tuesday, 22nd September, 2020
वि.स.

थाहानगरमा हालसम्म १२ जनामा कोरोना पुष्टि

thahanagarpalika-1598079879.jpg

थाहा नगरपालिकामा हालसम्म कोरोना भाइरस संक्रमण पुष्टि हुनेको संख्या १२ पुगेको छ । शुक्रबार थप २ जनामा कोरोना पुष्टि भए संगै थाहा नगरमा संक्रमितको संख्या १२ पुगेको हो ।

शुक्रबार पुष्टि हुनेमा थाहा नगरपालिका वडा नंबर २ पालुङका ३० वर्षिय पुरुष र वडा नंबर ६ बज्रवारहीका ४१ वर्षिय पुरुष दुबै जना दुबई बाट आएका हुन् । संक्रमित दुबै जनालाई उपचारको लागि हेटौंडा स्थित गौरिटार आइसोलेसन पाठइएको थाहा नगरपालिकाले जनाएको छ ।

 पालुङका संक्रमित परिवारका ६ जना र २ जना अटो चालकलाई थाहानगर क्वारेन्टिनमा राखिएको छ भने बज्रवाराहीका संक्रमितका ९ जना परिवारका सदस्यलाई होमक्वारेन्टिनमा बस्न सुझाव दिइएको थाहा नगरपालिकाको कोरोनाभाईरस  रोकथाम तथा नियन्त्रण सचिवालयले जनाएको छ ।

थाहा नगरकाे १२ जना संक्रमित मध्य हालसम्म ७ जना कोरोना मुक्त भएर घर फर्किएका छन् । हालसम्म संक्रमण मुक्त भएर घर फर्किनेहरुमा वडा नंबर ६ र ७ का २/२ जना र वडा नंबर ३,१० र ११ का एकरएक जना रहेका छन् ।

 हालसम्म संक्रमण पुष्टि हुनेहरुमा ५ जना उपचाररत रहेका छन् । संक्रमण पुष्टि भएर उपचाररत रहनेहरुमा थाहा नगरपलिका वडा नंबर २ र ४ का एक/एक जना रहेका छन् भने वडा नंबर ६ का ३ जना रहेका छन् ।

https://thahatimes.com/public/images/users/Thaaaaaaaaaaa-1575425238.png

थाहा टाइम्स

[email protected]

यो नेपाली भाषाको अनलाइन समाचार संस्था हो । हामी तपाईहरु माझ देशविदेशका समाचार, भिडियो, अडियो र विचार प्रकाशन गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)