DO-1618544727.jpg
Saturday, 17th April, 2021
वि.स.

थाहानगरमा १५ शैय्याको अस्पताल निर्माणको ठेक्का आशिर्वाद निर्माण सेवालाई

15-Hospital-1617290955.jpg

मकवानपुर थाहा नगरपालिकामा १५ शैय्याको अस्पताल निर्माणका लागि आशिर्वाद निर्माण सेवा उदयपुरलाई ठेक्का परेको छ । 

आशिर्वादलाई १२ करोड ५७ लाख ७ हजार ६९ रुपियाँमा ठेक्का परेको हो । यद्यपि अस्पताल निर्माणका लागि १८ करोड छ लाख ८२ हजार रुपियाँ लागत अनुमान गरिएको थियो । अस्पताल निर्माणका लागि जेभी सहित २० बोलदाताले बोलपत्र पेश गरेकोमा ५ वटा प्राविधिक मूल्याङ्कनमा छनोट भएका थिए । 

प्राविधिक प्रस्ताव स्वीकृत भएकाहरुको आर्थिक प्रस्तावमा सबैभन्दा कम आशिर्वादको परेको थाहा नगरपालिका योजना महाशाखा प्रमुख विवेक विडारीले जानकारी दिए । थाहा नगरपालिका वडा नम्बर ४ मा निर्माण गरिने अस्पताल सम्झौताको २ वर्षभित्र ठेकेदार कम्पनीले निर्माण सक्नूपर्ने प्रमुख प्रशासकीय अधिकृत हरिलाल पुरीले जानकारी दिए । निर्धारित समयमा निर्माण कार्य सम्पन्न भएमा नियमानुसार पुरस्कार दिइने प्रशासकीय अधिकृत पुरीले बताए । 

थाहानगरमा १५ शैय्या अस्पताल निर्माणको लागि मंसिर ३० गते बोलपत्र आव्हान भएको थियो । 

यो पनि पढ्नुहोस्

थाहामा १५ शैय्या अस्पताल

https://thahatimes.com/public/images/users/Thaaaaaaaaaaa-1575425238.png

थाहा टाइम्स

thahatimes.com@gmail.com

यो नेपाली भाषाको अनलाइन समाचार संस्था हो । हामी तपाईहरु माझ देशविदेशका समाचार, भिडियो, अडियो र विचार प्रकाशन गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)