मकवानपुर थाहा नगरपालिकामा कोभिड–१९ (कोरोना भाइरस) संक्रिमितको संख्या ६२ पुगेको छ ।
कोभिड–१९ को दोस्रो लहरको संक्रमण शुरु भएको ९ दिनमा संक्रमितको संख्या ६२ पुगेको हो । लक्ष्ण चिन्ह देखिएको र कन्ट्याक ट्रेसिङमा परेका अधिकांशको एन्टिजिन परीक्षण गरिएको छ ।
पोजेटिभ देखिएकाहरु मध्ये सबै भन्दा बढि वडा नम्बर ३ मा १८ जना रहेका छन् । वडा नम्बर ८ र १२ मा हालसम्म संक्रमित छैनन् । नगरमा सबैभन्दा कम उमेर ६ महिनाको शिशुमा समेत संक्रमण देखिएको छ । हाल नगरका ६२ संक्रमित मध्ये दुई महिला र एक पुरुषलाई थप उपचारको लागि हेटौंडा रिफर गरिएको छ ।
थाहा नगरमा परीक्षण गरिएको आधारमा संक्रमण दर ४१.६११ प्रतिशत रहेको थाहा नगरपालिकाको २१ वैशाखमा सार्वजनिक प्रतिवेदनमा उल्लेख छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
