.-1624118193.jpg
Sunday, 20th June, 2021
वि.स.
33-1624076000.jpg

थाहानगरमा संक्रमितकाे संख्या ६९ पुग्यो, निषेधाज्ञा अवज्ञा गरे उजुरी गर्नु: समिति

COROOO-1620226939.jpg

थाहानगरमा संक्रमितको संख्या ६९ पुगेको छ ।  २२ वैशाखमा ९ जनाको परिक्षण गरिएकोमा ७ जनाको पोजेटिभ रिपोर्ट आएपछि संक्रमितको संख्या बढेको हो । संक्रमितमध्ये १ जनालाई हेटौंडा आइसोलेशनमा रिफर गरिएको र अन्यलाई सुरक्षित रुपमा घरमै आइसोलेशनमा बस्न पठाइएको प्राथमिक स्वास्थ्य केन्द्रका डा. रिकेश कार्कीले बताए । हालसम्म तीन जना हेटौंडा र एक जनाको काठमाडौंमा उपचार भैरहेको छ ।

यसैबीच, २२ वैशाखमा बसेको "कोभिड रोकथाम तथा नियन्त्रण निर्देशन समिति"को बैठकले कोरोना जोखिम न्यूनिकरणका लागि स्थानीय नै जागरुक हुनु पर्ने बताउदै निषेधाज्ञा अवज्ञा गरे उजुरी गर्न स्थानीयसङ्ग आग्रह गरेको छ ।

कोरोना भाइरसको दोस्रो भेरियन्ट बिगतको भन्दा संक्रमण दर बढी रहेको हुँदा आफै सचेत हुनुको बिकल्प नरहेको २२ वैशाखमा बसेको बैठकमा छलफल भएको छ । बैठकमा डा. रिकेश कार्कीले यस पटकको भाइरसले संक्रमित भएकाहरुको सिङ्गै परिवार नै जोखिममा पर्न सक्ने अवस्था आएको बताए । बैठकमा दैनिक उपभोग्य वस्तु बिक्री पसल विहान ९ बजेसम्म मात्र खोल्न निषेधाज्ञामा उल्लेख भएको भएपनि अन्य व्यवसाय समेत खोल्ने गरेको तथा होटलहरु लुकिछिपी खोल्ने गरेकोले कोरोनाको जोखिम बढेकोमा चिन्ता गरिएको छ । बैठकले त्यसरी अवज्ञा गरेमा त्यस्ता व्यवसायी विरुद्द तत्काल प्रहरी वा नगरपालिकामा उजुरी गर्न आग्रह गरिएको छ ।

इलाका प्रहरी कार्यालयका निरीक्षक श्रीराम तिमिल्सिनाले नियमित बजार अनुगमन गरिरहेको बताउदै नियम उलंघन गर्नेलाई कार्वाही गर्ने बताए ।

बैठकले वडावडामा गठित समितिले संक्रमितको परिवारलाई पनि निगरानी गर्नु पर्ने छलफल भएको छ । संक्रमित भई घरमै आइसोलेशनमा रहेका विरामीको अवस्था गम्भीर हुँदै गएमा थप व्यवस्थापनका लागि स्वास्थ्य शाखा प्रमुख मेघराज बलामी स्वयंलाई फोकल पर्सन तोकिएको छ । संक्रमितहरुको उपचारलाई व्यवस्थित गर्न विभिन्न उपायहरुका विषयमा समेत छलफल गरिएको सुचना अधिकारी सुरजकुमार भुजेलले जानकारी दिए ।



https://thahatimes.com/public/images/users/Thaaaaaaaaaaa-1575425238.png

थाहा टाइम्स

thahatimes@gmail.com

यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)