Tuesday, 22nd September, 2020
वि.स.

थाहानगरमा कोरोना संक्रमितबाटै यस्तो ‘भूल’ भयो !

Bhul-Vo-1599789525.jpg

२५ भाद्रमा कोरोना संक्रमित पुष्टि भएका थाहा नगरपालिका वडा नम्बर ६ का कोरोना संक्रमित पुरुष क्वारेन्टिनमा बसेको नौ दिनपछि पिसिआर रिपोर्ट आएको छ । उनको रिपोर्ट पोजेटिभ आयो । 

थाहानगरमा आउने वित्तिकै घरमा जाँदै नगई उनलाई क्वारेन्टिनमा राखिएको डाक्टर उदय रोकाले जानकारी दिए । कोरोनाको जोखिम क्षेत्रबाट आएपछि त्यस्ता व्यक्तिलाई क्वारेन्टिनमा राख्ने गरिएको क्वारेनिटनकी स्टाफ नर्स रमिता भुजेलले बताइन् । ‘संगै कोही आएका छन् भने आएका सबैलाई क्वारेनिटनमा राखिन्छ, पिसिआर परीक्षण रिपोर्ट आएपछि मात्र घर पठाइन्छ’–स्टाफ नर्स भजेलले भनिन् । 

तर, २५ भाद्रमा कोरोना पुष्टि भएका पुरुषसंगै मोटरसाइकलमा थाहा–२ का एक ३४ वर्षिय पुरुष पनि आएको थाहा भएको छ । आफूमा कोरोना पुष्टि भएपछि मात्र ति पुरुषले दुईजना मोटरसाइकलमा संगै पालुङ आएको उनले जानकारी दिए । १७ भाद्रमा भने उनले आफूमात्र मोटरसाइकलमा थाहानगर आएको बताएका थिए । २५ भाद्रमा संक्रमितले दिएको सूचनाको आधारमा थाहा–२ का संगै यात्रा गरेका पुरुषलाई पनि क्वारेन्टिनमा राखिएको छ भने उनका ६ जना परिवारलाई होम क्वारेनिटनमा राखिएको छ । ‘तत्कालै सूचना नदिएर संक्रमितले भूल गरे, यस्ले जोखिम भयो’–डाक्टर सुबोध चापागाइले प्रतिक्रिया दिए । संगै आएका थाहा–२ पालुङका पुरुष १० भाद्रमा एउटै मोटरसाइकलमा विरगञ्ज गएका थिए । उनीसंगै १३ भाद्रमा काठमाण्डौं फर्केर पुनः एउटै मोटरसाइकलमा १७ भाद्रमा थाहानगर आएको कन्ट्याक ट्रेसिङबाट थाहा भएको छ ।

स्वास्थ्य परीक्षण मापदण्ड अनुसार २३ भाद्रमा उनको स्वाब संकलन गरी राष्ट्रिय जनस्वास्थ्य प्रयोगशाला काठमाण्डौंमा परीक्षण गरिएको थियो । 

https://thahatimes.com/public/images/users/Thaaaaaaaaaaa-1575425238.png

थाहा टाइम्स

[email protected]

यो नेपाली भाषाको अनलाइन समाचार संस्था हो । हामी तपाईहरु माझ देशविदेशका समाचार, भिडियो, अडियो र विचार प्रकाशन गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)