मकवानपुर थाहा नगरपालिकामा कोरोना संक्रमितको संख्या ६३ पुगेको छ ।
थाहानगरमा ११ मंसिरसम्म संक्रमितको संख्या ६३ पुगेको नगरपालिका स्वास्थ्य शाखाले जनाएको छ । संक्रमित मध्ये सबैभन्दा बढि वडा नम्बर ६ मा २३ जना रहेको छ भने दोस्रो बढि संक्रमण भएको वडा ४ नम्बर रहेको छ । वडा नम्बर ४ मा १४ जनामा संक्रमण भएका थिए ।
संक्रमित मध्ये ५४ जना निको भैसकेका छन् भने २ जनाको मृत्यू भएको छ । थाहा नगरपालिकाको वडा नम्बर ५, ८ र १२ मा हालसम्म एकजनामा पनि संक्रमण नभएको नगरपालिकाको अभिलेख रहेको छ ।
यसैबीच अहिले थाहा नगरपालिकाले संचालन गरेको बज्रवाराही क्वारेन्टिनमा एकजना पनि छैनन् भने होम आइसोलेशनमा ७ जना मात्र रहेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
