मकवानपुर थाहा नगरपालिकाको पाँचवटा वडा कोरोना मुक्त रहेका छन् ।
नगरपालिकाको वडा नम्बर १, ५, ८, ९ र १२ मा अहिलेसम्म कोरोना पोजेटिभ देखिएको छैन । १२ वटा वडा रहेको थाहा नगरपालिकामा २, ३, ४, ६, ७, १० र ११ नम्बर वडामा भने कोरोना पोजेटिभ भएका व्यक्तिहरु छन् । थाहा नगरपालिका कोरोना क्वारेन्टिनको सम्पर्कमा आई परीक्षण गर्दा यस्तो अवस्था देखिएको हो । थाहानगरमा भेटिएका सबै संक्रमितहरु विदेश र अन्यत्रबाट थाहानगरमा आएकाहरु नै हुन् । स्थानीय क्षेत्रमा बसोबास गरिरहेकाहरुलाई हालसम्म कोभिड–१९ संक्रमण भएको नपाइएको डाक्टर उदय रोकाले जानकारी दिए ।
थाहा नगरपालिकाको वडा नम्बर ६ मा सबैभन्दा बढि ५ जना संक्रमित भेटिएको हो । त्यस्तै वडा नम्बर ७ मा २ जना र वडा नम्बर २, ३, ४, १० र ११ मा भने १/१ जना संक्रमित भएका हुन् ।
नगरपालिकामा जम्मा १२ जना संक्रमित रहेकोमा ९ जना निको भैसकेका छन् भने ३ जना हेटौंडा आइसोलेशनमा रहेका छन् ।
पत्रकार केसी थाहा टाइम्सकी संवाददाता हुन् ।
