मकवानपुर थाहा नगरपालिकामा संचालन भएको दोस्रो चरणको कोरोना भाइरस विरुद्धको खोप ५ सय ८१ जनालाई लगाइएको छ । ५ वटा खोप केन्द्र तोकिएको मध्ये ३ वटा केन्द्रमा खोप लगाउने कार्यक्रम सकिएको छ । थाहानगरले संचालन गरेको पालुङ प्राथमिक स्वास्थ्य केन्द्र खोप केन्द्रमा ३२३, टिष्टुङ स्वास्थ्य चौकी खोप केन्द्रमा १२९ र आग्रा स्वासथ्य चौकी खोप केन्द्रमा १२९ जनाले खोप लगाएको स्वास्थ्य शाखाका मेघराज बलामीले जानकारुी दिए ।
नगरका ६५ वर्षमाथिका ज्येष्ठ नागरिकलाई खोप केन्द्रमा खोप लगाइएको हो । सरकारले २३ फागुनदेखि ६५ वर्षमाथिका ज्येष्ठ नागरिकलाई कोरोना भाइरसविरुद्धको खोप दिन सुरु गरेको छ ।
यसअघि पहिलो चरणमा स्वास्थ्यकर्मी, सफाइकर्मी, एम्बुलेन्स तथा शववाहन चालक, पत्रकार, कुटनीतिक नियोगका कर्मचारी, बैंक तथा वित्तीय संस्थाका कर्मचारी र निजामती कर्मचारीलाई खोप दिइएको थियो ।
थाहानगरमा २८ फागुनसम्म खोप अभियान संचालन हुने छ । यो अभियानका लागि थाहा नगरपालिकालाई १ हजार ६ सय खोप प्राप्त भएको छ । सरकारले भने कूल जनसंख्याको ७२ प्रतिशतलाई खोप उपलब्ध गराउने लक्ष्य लिएको छ । पहिलो चरणअन्तर्गत देशभरका गरी १ दशमलव ४ प्रतिशतलाई खोप प्रदान गरिएको छ ।
यसअघि सरकारले भारत सरकारको अनुदानमा १० लाख मात्रा खोप र खरिद गरिएको १० लाख मात्रा खोप ल्याइसकिएको छ भने १० लाख मात्रा खोप भारतबाट ल्याउने प्रक्रियामा छ ।
थाहानगरका कुन स्वास्थ्य चौकीमा कहिले ः
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
