नेकपा एमालेले थाहा नगरपालिकाको १२ वटै वडामा वडा अधिवेशन सम्पन्न गरी वडा कमिटीहरु गरेको छ । एमालेको विधान महाधिवेशनले पारित गरेको विधान र केन्द्रीय कमिटीको सर्कुलर अनुसार थाहा नगरका सबै वडामा ६ कात्तिकमा वडा अधिवेशनहरु सम्पन्न भएको हो ।
थाहा नगरमा १२ वटै वडामा गरी ३७२ जना पार्टी सदस्यहरु वडा कमिटीमा आवद्ध भएका छन् । विधान अनुसार वडा अधिवेशनबाट प्रत्येक वडामा अध्यक्ष, उपाध्यक्ष, सचिब र २ जना उपसचिबसहित ३१ सदस्यीय वडा कमिटी गठन गरिएको एमाले थाहा नगरका सचिब कुमार नेगीले जानकारी दिए ।
थाहाको १ नम्बरमा गोविन्द गोपाली, २ नम्बरमा केदार बिडारी, ३ नम्बरमा केदार बिष्ट, ४ नम्बरमा रामराजा केसी, ५ नम्बरमा श्यामसुन्दर भोम्जन र ६ नम्बरमा सौगात बलामी एमालेको वडा कमिटी अध्यक्ष चयन भएका छन् । त्यसैगरी वडा नम्बर ७ मा शम्भु खत्री, वडा नम्बर ८ मा रविन्द्र सापकोटा, वडा नम्बर ९ मा रामकृष्ण कपाली, १० मा विनोद बस्नेत, ११ मा सूर्यबहादुर दोङ र १२ मा मनन स्याङ्तानले वडा कमिटीको नेतृत्व लिएका छन् ।
एमाले थाहाका अध्यक्ष अच्युत्तमप्रसाद ढकालका अनुसार थाहाका सबै वडामा सर्वसम्मत् कमिटी चयन गरिएको हो । वडा अधिवेशन सम्पन्न गराउन एमालेका जिल्ला कमिटीका सदस्यहरु र नगर कमिटीका सदस्यहरु खटिएका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
