लगातारको वर्षाको कारण थाहा नगरपालिकाको वडा नम्बर ७ देउखेलस्थित घलेगाउँमा पहिरो खसेर अवरुद्ध भएको सडक खुलाइएको छ । वडा अध्यक्ष सनमसिं मुक्तानसहित युवाहरुको सहभागितामा पहिरो पन्छाएर सडक खुलाइएको वडा अध्यक्ष मुक्तानले जानकारी दिए ।
त्यसैगरी थाहा–७ कै देउराली–चिसापानी सडकअन्तर्गत गोठडाँडामा गएको पहिरो पनि पन्छाइएको छ । चिसापानी क्षेत्रको पहिरो वडा सदस्य दिपेन्द्रकुमार थिङ, रामबहादुर स्याङ्तान, अनुरोध स्याङ्तान, दीपेन्द्र स्याङ्तान लगायतको टोलीले पन्छाएको वडा अध्यक्ष मुक्तानले बताए ।
विपद जोखिमको अवस्था रहेकोले जुनसुकै बेला एमबलेन्स आवश्यक पर्ने सम्भावनालाई हेरेर तत्काल सडक दुरुस्त राख्न पहिरो पन्छाउने कार्यमा जुटेको उनको भनाइ छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
