थाहा नगरपालिका निवासी अमिर बम्जनको नयाँ गीतको अफिसियल म्युजिक भिडियो सार्वजनिक भएको छ । बहुप्रतिभाशाली अमिर बम्जनको आफ्नै शब्द, संगीत र स्वरमा रहेको ‘ घुम्न आउँदा मैच्याङ ’ बोलको गीतको म्युजिक भिडियो थाहा नगरबाटै सञ्चालित थाहा एक्सप्रेस नामक युट्युब च्यानलमा मार्फत शुक्रबार सार्वजनिक गरिएको हो ।
भिडियोको लागि चान्द सिंहले एरेन्ज, सनुप श्रेष्ठले भिडियोको छांयाकन र सम्पादन, रबि जिम्बाको निर्देशन र सर्मिला तामाङले कोरियोग्राफी गरेका छन् ।
भिडियोमा महेश तामाङ, सर्मिला तामाङ, बिबेक तामाङ, ज्योती स्याङ्तान र सनुप श्रेष्ठ लगायतका स्थानीय कलाकारहरुको अभिनय रहेको छ ।
बलामी, थाहा टाइम्स डटकमका संवाददाता हुन् । उनी मकवानपुरको इन्द्रसरोवर गाउँपालिकामा रहेर पत्रकारिता गरिरहेकी छिन् ।
