प्रदेश नम्बर २ मा लकडाउनको अवधिमा कोरोना संक्रमण भन्दा आत्महत्याबाट बढी मानिसको मृत्यु भएको छ ।प्रदेश २ मा लकडाउनयता कोरोना संक्रमणबाट ९५ जनाको मृत्यु भएको छ भने २ सय ७४ जनाले आत्महत्या गरेका छन्।
गत चैत्र ११ गतेदेखि भदौ १६ गतेसम्म २ नम्बर प्रदेश प्रहरी कार्यालयमा दर्ता भएको विवरण अनुसार प्रदेश २ मा यस अवधिमा २ सय ७४ जनाले आत्महत्या गरेका हुन्।
आत्महत्या गर्नेमा वृद्धादेखि बालिकासम्म रहेका छन्।
२ नम्बर प्रदेश प्रहरी कार्यालय जनकपुरले दिएको तथ्यांक अनुसार लकडाउन शुरु भएदेखि हालसम्म धनुषामा ५१ जना, सिरहामा ४७ जना, सर्लाहीमा ३५ जना, सप्तरीमा ३४ जना, बारामा ३१ जना, रौतहटमा ३० जना, पर्सामा २६ जना र महोत्तरीमा २० जनाले आत्महत्या गरेका छन्।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
