मकवानपुर थाहा नगरपालिका क्षेत्रमा कोरोना भाइरस रोकथाम तथा नियन्त्रणका लागि भएका प्रयासहरुको कार्यान्वयनको अवस्थाका सम्बन्धमा अनुगमन गरिएको छ ।
थाहानगर उपप्रमुख तथा अनुगमन समितिका संयोजक खड्ग गोपालीको नेतृत्वमा १७ भाद्रमा शिखरकोट, थानाबजार ओखरबजार र बज्रवाराही क्षेत्रमा अनुगमन गरेको हो । अनुगमनका क्रममा नगरबासीहरुले नगरले गरेको निर्णयहरु कार्यान्वयन गरेको पाइएको संयोजक गोपालीले जानकारी दिए ।
थाहा नगरपालिकाले कोरोना भाइरस रोकथाम तथा नियन्त्रणको प्रयास अन्तर्गत भिडभाड कम गर्ने, व्यवशायहरु विहानदेखि बेलुकी ४ बजेसम्म मात्र संचालन गर्ने, बैंक तथा वित्तिय संस्था विहान १० देखि २ बजेसम्म मात्र संचालन गर्ने, जनस्वास्थ्य मापदण्ड पूरा गरेर मात्र हिँडडुल गर्ने लगायतको निर्णय नगरपालिकाको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
-1785479082.jpg)
