मकवानपुरको भीमफेदी गाउँपालिकामा एमालेबाट बिजयी सबै जनप्रतिनिधिले विभाजनपछि बनेको नेकपा (एकिकृत समाजवादी)मा नलाग्ने जनाएका छन् ।
भीमफेदी गाउँपालिकामा एमालेबाट अध्यक्ष, उपाध्यक्ष, ६ जना वडा अध्यक्ष सहित ३४ जना जनप्रतिनिधिहरु रहेका छन् । जसमा दुईजना कार्यपालिकामा मनोनित समेत रहेका छन् । गाउँपालिका अध्यक्ष हिदम लामाले भीमफेदी गाउँपालिकाको सबै जनप्रतिनिधिहरु एमालेमै रहने र आफुहरुसँग समन्वय भैसकेको बताए ।
भीमफेदीमा एमाले फुटेर निर्माण भएको नेकपा (एकिकृत माजवादी) मा लाग्नेको संख्या शुन्य देखिएको भएपनि एकजना वडा सदस्यले भने आफु हालसम्म तटस्थ रहेको बताएका छन् । तर उनले आफु एमालेबाट बिजयी भएको भन्दै तुटफुटले चोट पुगेको र चाँडै आफु रहने स्थानबारे निष्कर्ष निकाल्ने बताए । उनले आफु हालसम्म एमालेकै विजयी उम्मेद्वारको हैसियतमा रहेको स्पष्ट पारे ।
भीमफेदी गाउँपालिकामा एमालेबाट विजयी अध्यक्ष लामा सहित उपाध्यक्ष पार्वती राना, वडा नंबर २,४,५,६,८,९ का वडा अध्यक्षहरु रहेका छन् । एमाले विजयी भएका सबै वडाहरुमा एमालेले सेटनै जितेको हो । खबरब्रेककाे सहयाेगमा
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
