मकवानपरको ईन्द्र सरोवर गाउँपालिकामा काग्रेसका उम्मेदवारलाई पराजित गदै एमाले विजयी भएको छ । एमालेका अध्यक्षका उम्मेदवार देवकृष्ण पुडासैनीले ३,७२२ मत ल्याई अध्यक्षमा विजयी भएका छन् ।
उनले निकटतम प्रतिद्वन्द्वी नेपाली कांग्रेस उम्मेदवार विश्वलाल लामालाई २५० मतान्तरले पराजित गरेका हुन् । पराजित विश्वलाल लामाले ३,४७२ मत ल्याएका छन् । उपाध्यक्षमा पनि एमालेकै उमाकुमारी लामाले ३७२५ मतका साथ विजय हासिल गर्दा कांग्रेसकी निर्मला रुम्बा ३६५६ मतमा रोकिएकी छन् ।
अघिल्लो स्थानीय तह निर्वाचनमा पनि यस गाउँपालिकामा नेकपा एमाले विजयी भएको थियो । यस गाउँपालिकाको कुल ५ वटा वडामध्ये कांग्रेसले ३ मा विजयी भएको छ । एमालेले दुईवटा वडामा मात्र जीत हात पार्न सफल भयो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
