पर्यटकीय क्षेत्र इन्द्रसरोवर तालमा दुई वटा नयाँ मोटरबोट आएको छ । मकवानपुरको पर्यटकीय आकर्षणको केन्द्रको रुपमा रहेको इन्द्रसरोवरमा १०/१० सिट क्षमताको दुई वटा मोटरबोट ल्याइएको हो ।
तालमा पर्यटन प्रवद्र्धन गर्ने उद्देश्यले इन्द्रसरोवर डुङ्गा व्यवशायी संघले ४२ लाख रुपियाँ लगानी गरेर खरिद गरेर ल्याएको संघका अध्यक्ष नव लामाले जानकारी दिए । दैनिक ३२ वटा काठको बोट संचालन भैरहेको इन्द्रसरोवरमा आपतकालिन उद्धारका लागि मुख्य उद्देश्य राखेर इन्जिन मोटरबोट ल्याएको अध्यक्ष लामाले जानकारी दिए । ‘पर्यटकको घुइँचो हुन्छ, एउटै काठको डुङ्गमा ७/८ जना यात्रामा हुन्छन्, केही भैहाले उद्धारका लागि १० सिटको त चाहिने नै रहेछ त्यही भएर खरिद गरेर ल्यायौं’ लामाले भने–‘नयाँ ल्याइएको बोटरबोटमा चढेर पर्यटकहरुले पनि रमाइलो लिन सक्नेछन् ।’
लकडाउनका कारण अहिले पर्यटकहरु सहजै आउने वातावरण नभएका कारण डुङ्गाहरु संचालनमा चापाचाप नभएको बताउँदै लामाले भने इन्द्रसरोवरको पर्यटन प्रवद्र्धनका लागि डुङ्गा व्यवशायी संघ प्रतिवद्ध छ ।
३ सय ५३ शेयर सदस्य रहेको इन्द्रसरोवर डुङ्गा व्यवशायी संघमा आकस्मिक उद्धार टोलीसहित २८ जना कर्मचारी रहेका छन् । उनीहरुले मासिक १२ देखि १६ हजार रुपियाँ सम्म तलब लिएर काम गरिरहेको संघले जनाएको छ ।
इन्द्रसरोवर तालमा पर्यटन प्रवद्र्धन गर्ने मुख्य उद्देश्यले प्रवद्र्धनात्मक काम गरिरहेको इन्द्रसरोवर डुङ्गा व्यवशायलिाई गाउँपालिकाले साथ दिएको छ ।
संघले काठको बोट संचालन गरिरहेकोमा यसअघि ४ सिट क्षमताको आकस्मिक उद्धारका लागि इन्जिन बोट खरिदका लागि १५ लाख रुपियाँ वडाबाटै सहयोग गरेको अध्यक्ष जमानसिं वाइवाले जानकारी दिए । साथै संघका लागि २ वटा पाइडल बोट गाउँपालिकाको तर्फबाट सहयोग गरेको अध्यक्ष वाइवाले बताए ।
पर्यटन प्रवद्र्धनका लागि गाउँपालिकाले सहयोग गरिरहेको संघका अध्यक्ष लामाको भनाइ छ । इन्द्रसरोवरमा कोभिड–१९ संक्रमण जोखिम कम भएसंगै पर्यटकहरु आउन थालेको वडा अध्यक्ष वाइवाले बताए ।
पत्रकार केसी थाहा टाइम्सकी संवाददाता हुन् ।
