मकवानपुरमा चालु आर्थिक वर्ष २०७७र०७८ को ८ महिनाको अवधिमा ८१ वटा मोटरसाइकल हराएको उजुरी परेको छ । जिल्लामा गत साउनदेखि फागुनसम्म विभिन्न स्थानमा पार्किङ गरेको अवस्थामा, घर र अफिसबाट गरी ८१ वटा मोटरसाइकल हराएको उजुरी परेको जिल्ला प्रहरी कार्यालय मकवानपुरले जनाएको छ।
जिल्ला प्रहरी कार्यालय मकवानपुरका प्रहरी नायब उपरीक्षक ९प्रवक्ता० जयश्वर रिमालका अनुसार, हराएका मोटरसाइकलमध्ये हालसम्म ५ वटा मोटरसाइकलमात्र सवारीधनीलाई बुझाइएको छ । मकवानपुरमा बजार क्षेत्र भन्दा ग्रामीण क्षेत्रमा धेरै चोरी भएको जनाइएको छ । बजार क्षेत्रमा प्रहरी रहने भएकाले विकट गाउँमा यसको धेरै समस्या देखिएको जनाइएको छ।
चोरी भएका मोटरसाइकलको नम्बर प्लेट र अन्य पार्टपूर्जा परिवर्तन गरेर अन्य जिल्लामा बिक्री गर्ने गरेको खुलेको जिल्ला प्रहरी कार्यालयले जनाएको छ । अभियुक्तले ३० हजार रुपियाँदेखि १ लाखसम्म यस्ता चोरीका मोटरसाइकल बेच्ने गरेको पाइएको प्रवक्ता रिमालले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
