बागमती प्रदेश सरकारले २२ भदौका बागमती प्रदेशको मकवानपुरसहित ३ जिल्लामा सार्वजनिक विदा दिने निर्णय गरेको छ । १८ भदाैमा बसेको प्रदेश मुख्यमन्त्री तथा मन्त्रिपरिषद्को बैठकले यस्तो निर्णय गरेको हो ।
बैठकले चेपाङ समूदायले मनाउँदै आएको न्वागी पर्वको अवसरमा २२ भदाैमा प्रदेशको तीन जिल्लामा सार्वजनिक विदा दिने निर्णय गरेको सकारका प्रवक्ता एवम् आन्तरिक मामिला तथा कानूनमन्त्री गंगानारायण श्रेष्ठले जानकारी दिए ।
चेपाङहरुको राष्ट्रिय पर्व न्वागीको अवसरमा वाग्मती प्रदेश सरकारले तीन जिल्लामा सार्वजनिक विदा घोषणा गरेको छ । बैठकले उक्त दिन मकवानपुर, चितवन र धादिङमा सार्वजनिक विदा दिने निर्णय गरेको हो ।
वागमती प्रदेशका तीन जिल्ला मकवानपुर, चीतवन र धादिङ चेपाङ समुदायको वाहुल्य रहेको क्षेत्र भएकाले ती जिल्लामा पर्वका लागि विदा दिइएको सरकारका प्रवक्तासमेत रहेका आन्तरिक मामिला तथा कानुनमन्त्री श्रेष्ठले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
