साइकल राइर्डसहरुको क्लबको रुपमा रहेको हेटौंडा राइर्डस क्लबले विश्व साइकल यात्री पुष्कर शाह ट्रष्टलाई आर्थिक सहयोग गरेको छ ।
आज हेटौंडामा एक कार्यक्रमका बीच शाहलाई क्लबका अध्यक्ष विकास ताम्राकारले ३५ हजारको चेक हस्तान्तरण गरेका थिए । शाहको ट्रष्टबाट बहिरा विद्यार्थीहरुलाई पढाउदैं आएको पुष्कर शाहले बताए । गत श्रावणमा गरिएको हेटौंडा कोरा कार्यक्रमको बेला साइकल राइडर्सहरुबाट संकलित रकम प्रदान गरिएको क्लबका अध्यक्ष विकास ताम्राकारले बताए ।
कार्यक्रममा बोल्दै विश्व साइकल यात्री शाहले विश्व साइकल सम्मेलन एसियाकै पहिलो पटक नेपालमा गर्ने तयारी रहेको बताए । नेपालमा नेतृत्व गर्ने संघसंस्था नभएकोले केहि समस्या भएको उनले बताए । अब चाडैं नेपाल साईकल महासंघ निर्माण गरि कार्यक्रमको तयारी गरिने उनले बताए । उनले हेटौंडा काठमाडौं र पोखरा पछि बढी साइकललिस्ट र राइर्डसहरु रहेको बताए । नेपालकै तेस्रो स्थानमा हेटौंडा रहेकोमा शुभकामना दिदैं देशभरका साईकलहरुका क्लब, संघ र सिटीहरुलाई एकबद्ध गराई छाता संगठनको रुपमा महासंघ निर्माण गरिने बताए । कार्यक्रममा हेटौंडा राइर्डस क्लबका संस्थापक अध्यक्ष दिपेन्द्रचन्द ठकुरी, क्लबका कार्यसमितिहरुको सहभागिता रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
