संघीय राजधानी काठमाडौबाट बागमती प्रदेशको राजधानी हेटौंडा आवत जावत गर्ने छोटो बाटो कुलेखानी भीमफेदी पूर्ण रुपमा बन्द रहेको छ ।
तीन दिन देखिको लगातारको वर्षाका कारण भीमफेदीदेखि कुलेखानीसम्म ठाउँ–ठाउँमा गएको पहिरोको कारण बाटो पूर्ण रुपमा बन्द भएको साइड इन्जिनियर आन्तोन नेपालले जानकारी दिए ।
नेपालीहरुको माहान चाड दशैं नजिकिदै गर्दा यो बाटोमा यातायातको चाप बढ्ने क्रम जारी छ । फेरी अस्तिको जस्तो दुःखद घटना नघटोस यात्रा गर्न सहज होस भनेर पुरै यातायात बन्द गरेर इन्जिनियरिङ नियम अनुसार बाटोमा खसेको पहिरो पन्छाउन लागिरहेको नेपालले बताए ।
शनिबारसम्म एकतर्फी यातायात सन्चालन गरेर पहिरो पन्छाउने काम भएको थियो । यसो गर्दा झन बढी जोखिम देखिएकोले बाटो नै बन्द गर्नुपरेको सडक निर्माणमा जुटिरहेको मोतिदान कन्ट्रक्सनका प्रोजेक्ट म्यानेजर एसके ज्वाला कार्कीले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
